EHUk Israelgo Institutu Teknologikoarekin kolaboratzen du

Hilabete honen hasieran, eta ikasleek kanpaldien bidez egindako presioaren aurrean, EHUk bakearen aldeko jarrera irmoa hartzen ez dutenekin harremanak etengo zituela adierazi zuen. Bide horretan, Israelgo enpresekin kolaboratzea saihesteko, Euskal Herriko Unibertsitateak (EHU) aldi baterako etenda utzi zuen Zibersegurtasuneko Katedra, Espainiako Zibersegurtasuneko Institutu Nazionalarekin (INCIBE) sortua, eta Israelgo armadarekin loturak duena.

Hala ere, 2024ko urtarrilaren 1etik aurrera, EHUk eta Tecnaliak (erakunde publikoaren patronatuan dagoen enpresa) batera parte hartzen dute erresonantzia magnetiko nuklearrari lotutako proiektu batean (QUENCH). Proiektu honetan Technion Research and Development Foundation Ltd. eta Israel Institute of Technology institutuekin kolaboratzen dute, funtsezko pieza direnak Israelgo konplexu industrial-militarraren barruan. Proiektu horren arabera, EHUk 410.000 euro eskuratuko ditu Europako funts publikoetatik, Tecnaliak 60.000 euro irabaziko ditu eta Israelgo zentro teknologikoak parte handiena eramango du, 510.000 euro.

TECHNION (Israelgo Institutu Teknologikoa) apartheid-a mantentzen eta legitimatzen duen erakunde nagusietako bat da. 2008-2009an, Israelek egindako inbasioetan, etxeak eraisteko erabili ziren hondeamakinak garatu zituen. Era berean, militarrentzako ikasketa-programak ere baditu, eta lankidetza estuak ditu ELBIT Systemsekin. Talde horrek "borrokan testatutako" armak saltzen dizkio Espainiako Defentsa Ministerioari, Palestinan erabilitako, droneak eta mortero-sistemak, besteak beste.

Beste lankidetza batzuk Israelgo erakundeekin

Joan den apirilaren 1etik, IRISCC izeneko klima-aldaketaren inguruko proiektuan EHUk (31.300 euro) eta Ben-Gurion University of the Negev-ek (30.250 euro) parte hartzen dute. Utrechteko Unibertsitatearen ikerketa baten arabera, Israelgo unibertsitate-zentro horrek lotura estuak ditu Israelgo korporazio militarrekin, hala nola ELBIT Systems-ekin.

2024ko urriaren 1ean hasiko da Tecnalia beste proiektu batean parte hartzen, Hydrolite enpresa israeldarrarekin batera, ELBIT Systemsen filiala. Europar Batasunak babestutako BIOPYRANIA izeneko proiektu da hau, joan den maiatzaren 16an sinatu zen eta energia berriztagarrietan zentratuta dago. Instituzio israeldarrak 449.250 euro jasoko ditu Europako funts publikoetatik proiektuan parte hartzeagatik, eta Tecnaliak 285.305 euro jasoko ditu. Tecnaliaren erakunde-patronatuan sei erakunde publiko daude: Eusko Jaurlaritza eta hiru foru-aldundiak, Estatuko Administrazio Orokorra eta EHU bera.

Azkenik, datorren ekainaren 1ean hasiko da HELIOTROPE proiektu europarra, eguzki-energian oinarritua. Talde horrek Zabala euskal taldearen, Tekniker zentro teknologikoaren eta Brightsource Industries Israel LTD enpresaren laguntza du. Israelgo enpresa horrek inbertsio garrantzitsuak egiten ditu AEBn, eta, Al Habtoor Research Centre edo The Washington Institute erakundeen arabera, bi herrialdeen arteko harremanak baldintzatzen ditu, AEBk Israeli ematen dion laguntza militarraren jarraipena bermatuz. Teknikerren patronatuan EHU ere dago presente.

Informazio iturria:https://www.elsaltodiario.com/ocupacion-israeli/un-grupo-upvehu-colabora-proyecto-europeo-firma-israeli-vinculada-genocidio-gaza