ePub
pdf
3.364 langabe gehiago erregistratu dira abuztuan Hego Euskal Herrian
2010etik abuzturik txarrena izan da eta iazko abuztuan baino ia 3.000 langabe gehiago daude.
Abuztuaren amaieran, 140.770 herritar zeuden langabezian Hego Euskal Herrian; iazko abuztuan baino ia 3.000 gehiago. Berriz, uztailetik abuztura, 3.364 langabe gehiago erregistratu dira. Emakumeak gehienak: ia hamarretik sei.
Herrialdeka, langabeziaren igoera Gipuzkoan nabaritu da gehien –%4,64ko igoera–, eta hurrenez hurren Bizkaian –%2,84–, Araban –%1,29– eta Nafarroan –%0,22–. Denean egin du gora, beraz.
Datu horiek erakusten dutenez 2010etik abuzturik txarrena izan da aurtengoa langabeziari dagokionez, izan ere, abuztuan sinatutako kontratuan %79 aldi baterakoak izan dira. Bestalde, iturri sindikalen arabera, langabezian inskribatutako pertsonen erdiak ez zuen inolako prestaziorik jaso uztailean, eta hirutik batek kotizaziopeko langabezia prestazioa; batezbestekoa 1.000 euroren azpitik.
