59 langile hil ziren 2023an laneko istripuz Hego Euskal Herrian
Guztira 59 pertsona hil ziren 2023an Hego Euskal Herrian lan-istripuan, iturri sindikalen arabera. 59 lagun horietatik, 20 istripu ez-traumatikoetan hil ziren; 9 kolpeen eta harrapaketen ondorioz; 7 'in itinere'; 6 altueratik erorita; 3 intoxikazioengatik; eta 3 laneko eraso edo suizidioengatik. Aipatutako sindikatuen arabera lan-istripuetarako sektore 'kritikoena' industria izan da (18 hildako), ondoren garraioa (10 hildako), azpikontratatutako langileen sektorea (9 hildako) eta eraikuntza (6 hildako).
Hala ere, zifra ofizialen arabera 33 dira lanean hildako beharginak; izan ere, administrazioak enpresek eta mutuek emandako datuak jotzen ditu baliozkotzat, eta ez ditu, esaterako "in itinere" gertatutako heriotzak zenbatzen, beraz ez ditu laneko heriotzatzat hartzen. Era berean, mutualitateek ez daukatela gaixotasun psikosozialik aitortuta lan-kontingentzia gisa bereziki larria dena, izan ere, Munduko Osasun Erakundearen (MOE) arabera, minbizi guztien % 30-40 lanetik eratorriak izan daitezkeela; heriotza guztien % 20 baino ez direla istripu traumatikoek eragindakoak, eta % 80 laneko gaixotasunek eragindakoak.
2024ko lehen hilabetean 13 heriotza izan dira, eta horrek goranzko joera adierazten du.