Aske geratu da Fermin Martinez Bergara euskal preso politikoa

Fermin Martinez Bergara preso politiko lodosarra Frantziak ezarritako zigorra bete ostean, Lannemezaneko espetxetik atera zen pasaden ostiralean. 1983an atxilotu zuten lehen aldiz, eta Baionako espetxean egon zen hainbat hilabetez. Beranduago aske utzi zuten, kontrol judizialarekin, eta bigilantzia saihestu ondoren bere militantziara itzuli zen. 2004an berriro atxilotu zuten, eta Frantziako poliziak 2001eko martxoan Grenoblen egindako dinamita-lapurretan parte hartu izana leporatu zion. Espainiako Auzitegi Nazionalak berriz, bi bahiketatan parte hartu izana leporatu zion. 20 urte preso pasa ondoren aske geratu da lodosarra.