Aurtengo martxoaren 3an ere, blokea antolatu du JARKI antolakunde iraultzaileak

Bihar beteko dira 50 urte Gasteizko (Araba) sarraskia izan zenetik. 1976ko martxoaren 3an, greba orokor batean, Espainiako Polizia Armatuak egindako sarraskia izan zen. Zaramagako Asisko San Frantzisko elizaren barruan biltzarra egiten ari ziren milaka langileei gas negar-eragileak jaurti zizkieten poliziek, indarrez aterarazteko; eta, elizaren ate bakarretik irten ahala, bi mila tiro baino gehiago egin zizkieten indar errepresiboek. Bost langile hil zituzten, eta 150 zauritu.

JARKI antolakunde iraultzaileak jakinarazi duenez, aurten ere antolatu du blokea. Arratsaldeko 17:30etan jarri dute hitzordua San Frantsizko elizan, eta "Kapitalaren erasoen aurrean, borrokak darrai!" izango du lelotzat. Aurrerago mobilizazio orokorrera batuko da.