Basauriko 11 familia beren etxeabizitzak galtzeko arriskuan daude

Atzo San Faustoko bizilagunak, Batu etxebizitza-sindikatuarekin batera, udaletxearen aurrean bildu ziren, haien etxeaak bizi duten egoera publikoki salatzeko.

Urritik, Atxalar etxebizitza-jabe handiak, Destileria Acha enpresaren jabe den familiaren higiezinen taldeak, haien etxeetatik bota nahi dituzte, Basauriko Udalarekin batera. Horregatik, azarotik eta abendutik, jabetzak haien alokairu-kontratuak deuseztatu ditu. Hori dela eta, 11 familia beraien etxeak galdu ahal izateko egoeran daude. 

 Bizilagunak salatu dutenez, Udalak huts egin die hartutako konpromisoei, eta Etxebidek eta Bidebik, Basauriko etxebizitza-administrazioak, ez diote aukerarik ematen beste bizileku bat emateko; 2016ko PERUan, ordea, hori jasota zegoen arren. Horren ordez, udalak berehala iragarri dituen «egoera bakoitzerako proposamen pertsonalizatuek» hainbat kalte-ordain ekarri dituzte, bizilagunen eta haien familien beharretara egokitzen ez direnak, eta are gutxiago Basauriko higiezinen merkatuaren egoerara; izan ere, alokairuak izugarri handiak dira, eta biztanleriaren zati gero eta handiago batek bere gain har dezakeenaren oso gainetik daude. Era berean, BIDEBIk auzotarrei egindako presioak salatu dituzte eskaintza horiek sinatzeko. Izan ere, proposamen horiek ez dira haien beharretara egokitzen.

Honi jarraipena emanez, bizilagunak adierazi dutenez, hasiera-hasieratik ikusi ahal izan dute enpresa eta udala eskuz esku joan direla San Faustoko 5, 7, 9 eta 11 blokeak eraitsi nahi dituen hirigintza-plana gauzatzeko, etxebizitza berriak eraikitzeko. Hau PG0U-aren barruan kokatu dute, San Fausto-Bidebieta-Pozokoetxe eremurako. Maisu-maistren etxeekin aldez aurretik egiaztatu ahal izan zutenez, Basauriko udal-titulartasuneko azken eraikina zena, azkenean eraitsi egin zuten luxuzko etxebizitza berriak eraikitzeko, eta batez besteko prezioa 400.000 €-koa izan zen. Hori dela eta, uste dute San Faustoko bizilagunen etxeak ez ezik, Basaurin proiektatzen den hiri-eredua ere jokoan dagoela, bertan bizi direnetik kanpo.

Udalak dio ez dela horrelako etxebizitzarik eraikiko. Nahiz eta egia izan hainbat motatako etxebizitzak eraikiko direla, BIDEBIren weborri berean argi eta garbi adierazten dute 204 planeko 274 etxebizitzetatik libreak direla, hau da, etxebizitzen %75. Era berean, orain arte eraikitakoari erreparatzen badiogu, 146 etxebizitza lizitatu zaizkio Grupo Eibar sustatzaileari, maisu-maistren etxeetako etxebizitzak eraiki dituena, eta horietatik 66 eraikuntza-prozesuan daude edo eraiki egin dira. Puntu honetara iritsita, galdera hau egin dute: "Non dago hainbeste iragartzen duten etxebizitza publikoa? Zergatik ez dira etxebizitza horiek bizilagunak bita aurretik eraik horrek realojoa ahalbideratuko zuenean?"

Bizilagunak adierazi dutenez udalak eta Acha familia espekulatzaileak antolatuta aurkituko dituzte. Batu Etxebizitza Sindikatuko kideekin batera, haien etxeak defendatuko dituzte beste etxebizitza duin bat eskaini arte.

Era berean, ahalik eta lasterren Basauriko Udaleko Jasangarritasun, Hiri-Garapen eta Herritarren Segurtasun Arloko zinegotziarekin eta gobernu-taldearekin bilera bat eukitzea eskatzen dute, konponbide adostu bat bilatzeko.

Azkenik, Basauriko herriari dei egin diote egoera honen salaketarekin bat egin dezan, beste behin ere, batzuen interesak besteen beharrizanen gainetik jartzen baitituzte. Horregatik, martxoaren 8an mugimendu feministaren deialdiak babestuko ditugu, eta martxoaren 15ean, ostirala, 18:30ean, Arizgoiti plazan elkarretaratzea egingo dute, benetako alternatibarik eskaintzen ez dutela salatzeko.

(Irudia:Ecuador Etxea)