Bi gazte jazartu dute eta bat atxilotuta eraman dute Hondarribian

Gaur gauean 17 eta 19 urteko bi gazte identifikatu ditu ertzaintzak Hondarribian. Udaltzaingoak ohartarazi dio Ertzaintzari gazteak zeramaten ikurriñan “Gora ETA militarra” mezua eskuz idatzita zegoela eta hauetako hainbat auto gazteak zeuden tokira joan dira.

Indar errepresiboak lekura iritsi direnean ikurrina kendu diete. Polizien arabera, 19 urtekoak muzin egin die identifikatzeko aginduei eta atxilotuta eraman dute komisaldegira, «agintearen agenteei eraso egitea» egotzita. Gainera biei ikerketa zabaldu diete, «terrorismoa goratu» dutelakoan, urte bat eta hiru urte arteko espetxe zigorra izan dezakeen delitua.