EHU Europako bederatzi proiektutan parte hartzen ari da Israelgo erakundeekin
2003an, Estatu Batuek, Europar Batasunak, Errusiak eta Nazio Batuek osatutako Madrilgo Laukotea deituak, Bakerako Bide Orri bat aurkeztu zuen, Palestinako Estatu independente nahiz subirano bat sortzeko asmoz. Garai hartan, Euskal Herriko Unibertsitatea (EHU) Israelgo unibertsitateekin lankidetzan hasi zen Europako proiektuetan. Izan ere, erakunde publikoak Israelgo beste erakunde eta enpresa batzuekin 35 proiektutan lan egiteari ekin zion. Gaur egun berriz, EHU gutxienez Europako 9 proiektutan lankidetzan aritzen da eta Israelgo erakunde publiko eta pribatuek ere parte hartzen dute proiektu horietan.
Euskal erakunde publikoa 2024an hasitako bi proiektutan parte hartzen ari da: erresonantzia magnetiko nuklearrarekin lotutako Europako QUENCH proiektuan eta Technion Research and Development Foundation Ltd izendatuan eta horrez gainera Israel Institute of Technology-rekin (Palestinako etxeak eraisteko erabilitako bulldozerrak garatu ziren herrialdeko konplexu militar-industrialeko funtsezko ikasketa-zentroa). Horri esker, 410.000 euro eskuratu ahal izango ditu Europako funts publikoetatik.
Horrez gain, badira beste zazpi proiektu 2024a baino lehen hasi zirenak eta gaur egun ere indarrean daudenak. Lankidetza-aliantza horiek direla eta, erakunde publikoak guztira 4.293.842 euro jasoko ditu Europako funtsetatik.
Horren harira, EHUko iturriek justifikatu dutenez “finantzatutako unibertsitatea izateak ez dakar finantzatutako beste unibertsitateekin harreman zuzenak, zehatzak eta borondatezkoak ezartzea”. Jarraian deskribatutako proiektu guztiak, erakunde publikoaren arabera, egoera horretan aurkitzen dira eta beraz, “ez dute inolako akordiorik aurreikusten Israelgo erakundeekin”
Informazio iturria: https://www.elsaltodiario.com/ocupacion-israeli/upvehu-recibira-42-millones-colaborar-nueve-proyectos-europeos-instituciones-israelies