Eibarreko zaletu bat Ipuruatik kanporatu dute Palestinako bandera bat erakusteagatik

Igande arratsaldean, Eibar eta Huesca-ren arteko partida ospatzen zen bitartean, Ertzaintzako agenteek talde armagineko zale bat kanporatu dute Ipuruatik, bandera palestinarra erakusteagatik.
Antza denez, agenteek Palestinako bandera ezkutatzeko eskatu diote zaleari, baina gizonak uko egin dio, eta ertzainek zelaitik bota dute.

Lakuako Gobernuko Segurtasun Sailak adierazi du Ertzaintzak zigor administratiboa jartzeko proposamena egin diola bandera palestinarra erakutsi zuen zaleari. Aipatu iturriaren arabera, Eibarren segurtasun pribatuak Ertzaintza bertaratzea eskatu zuen, zaleak bandera gordetzeari uko egin ostean. Polizia autonomikoak, ikusleek agenteen eskaerei "behin eta berriz uko egin" zietenez, akta bat ireki zion zaleari, Kirolaren Legearen arabera, administrazio-zehapena dakarrena.Zehapen-proposamena Kirolaren Erakunde Nazionalari igorriko zaio, eta hark gertakariak aztertuko ditu eta emaitzak Lakuako Gobernuari bidaliko dizkio. Gobernu horrek erabakiko du zehapena «isunean geratuko den edo zelaian sartzeko debekua ere jasoko duen».

Hemen Armagiñak 1940 Eibarreko zaletuen taldea ateratako irakurketa ekimen hauen inguruan.