Emakume batek sexu eraso bat jasan du Etxebarrin

Emakume batek sexu eraso bat jasan zuela salatu zuen larunbat goizaldean, Etxebarrin (Bizkaia). Herriko jaiak ospatzen ari dira, eta kalean jarri ohi dituzten komunetan bortxatu zuen erasotzailea. Honen aurrean, sanantonioetako jai batzordeak eta txosnek bertan behera utzi zituen antolatuta zeuden ekitaldi guztiak eta elkarretaratzea egin zuten Zintururi plazan, non, ehunka herritar bildu ziren 'Erasorik ez, erantzunik gabe' lelopean.