Eragozpen Fiskala plataformako kide bat epaituko dute gastu militarraren kontrako ekintza batengatik

2022ko azaroaren 26an eraispen-mailu handiekin, buzo horiekin eta kaskoarekin, KEM-MOC taldeko antimilitarista batzuek Juan de Garayren Bilboko kuartel militarraren eraispena antzeztu zuten. Adierazi zutenez, helburua "Irala auzoari ostutako espazioa berreskuratzea" eskatzea da, eta instalazio hori kenduta, orain "gerrarako aurrekontuetan" erabiliko diren 48.800 milioi euro aurreztea. Ertzaintza bertaratu zen eta hiru identifikazio egin zituen "kalteen kontura".

Hala ere, ez da Juan de Garayren eraikina behera botatzen saiatu ziren lehen aldia. 2021eko abenduan, mazoak kale horretan bertan entzun ziren. Egun horretan, antimilitaristak,  minutu batzuez atxiki eta identifikatu zituen Ertzaintzak. Hilabete batzuk geroago, KEM-MOCeko ekintzaileak kuartel bereko hesietara kateatu ziren, burdin hesiaren goialdera igoz. Ekintza honen harira, 2023ko urtarrilaren 24an epaiketa egin zen Bilboko zigor-arloko 5 zenbakiko epaitegian, Bilboko Talde Antimilitaristako (KEM-MOC) bi aktibistaren aurka eta fiskaltzak 18 hilabeteko espetxe-zigorra eta 4.500 euroko isuna eskatu zuen auzipetu bakoitzarentzat.

Orain talde antimilitarista bere sare sozialetik jakinarazi duenez, otsailaren 7an, osteguna, Eragozpen Fiskala plataformako ekintzaile baten aurkako epaiketa izango da gastu militarraren kontrako ekintza egiteagatik. Honen aurrean konzentrazio bat deitu dute goizeko 12:00etan Barroeta Aldamar 10ko epaitegian izango duena lekuko.