Eraikuntzako langile bat hil da Urruñan

Urruñako(Lapurdi) Xukutun auzoan bizia galdu zuen atzo langile batek, soldatapean lanean ari zela. Eraikuntzan jarduten zuen, eta Duhalde enpresa Euskal Hirigune Elkargoaren eskakizunez eraikitzen ari zen ur biltegian hil zen, goizeko 09:15 aldera. Bertaratu zen mediku taldeak ezin izan zuen ezer egin.

Lan-istripuan gertaturikoa argitzeko ikerketa martxan da, baina oraingoz ez dago xehetasun gehiagorik. Gainera, bigarren langile bat larriki zauritua atera zen lan istriputik, eta Ipar Euskal Herriko erakundeak jakinarazi duenez, Baionako Euskal Kostako Ospitalera helikopteroz eramana izan zen.