Gaur Buztintxurin programatuta zegoen etxegabetzea gelditzea lortu dute

Gaurko zegoen programatua Carolina eta bere familiaren etxegabetzea, Iruñeako Bustintxuri auzoan, hala ere, joan den astean epaitegiek etxegabetzeari argi berdea eman zioten arren, bertan behera geratu dela jakinarazi du Harituk prentsa-ohar batean.

Carolina egoera zaurgarrian dago, eta egoera horretan dauden pertsonentzako etxegabetzeen luzamenduaren dekretua aplikatu behar zitzaion arren, epaitegi batek erabaki zuen etxetik kanporatzea. Harituk premiazko errekurtsoa jarri zuen, prozedura zuzenbidez okerra dela alegatuz, "kidearekiko berme formalak betetzen ez dituelako eta oinarrizko eskubide batzuk urratzen dituelako". Harituk adierazi duenez, hustutzea ikustarazteko egindako lanari esker “presioa areagotu egin da etxegabetzea geldiarazteko" eta beraz “mobilizazio deia erabakigarria” izan dela nabarmendu dute, kaleko indarrari esker 2023ko ekainean etxegabetzea gelditzea lortu zuten bezala.

Haritutik ohartarazi dutenez, ordea, "bizilekua arriskuan jarraitzen du, eta borrokan jarraituko dugu Carolinarentzat eta haren familiarentzat irtenbide bat aurkitu arte". Izan ere, Testa putre funtsa "ez da inoiz negoziatzera eseri ekainean epaitegiari esan zion bezala. Carolina erosten saiatu da, etxebizitza uzteko presioa eginez, eta horrela, bere irabaziak maximizatzen jarraituz".

"Gaur geldiaraztea lortu dugu, baina azken hilabeteetan jakin dugu legez kanpoko hainbat etxegabetze, kanporatze eta Testa demantzaile gisa dagoen beste etxegabetze batzuk izan direla, epaitegietatik luzamendua aplikatu ez dutenak. Beraz, etxegabetzeei, etxebizitzaren arazoari eta miseria kapitalistari aurre egiteko tresna gure auzo eta herrietan elkartasunetik eta elkarrekiko babesetik antolatzea da. Etxebizitzarako sarbide unibertsalaren alde, etxegabetze guztiak geldiaraztearen alde ", amaitu du Harituk komunikatua.