Indar Gorriko 61 kide atxilotu ziutuzten atzo Nafarroan

Indar Gorriko hogei kide libre atera ziren atzo arratsean epailearen aitzinean deklaratu ondotik. Espainiako Poliziak operazio zabala egin zuen Iruñean eta Nafarroako beste zenbait herritan, eta Osasunako jarraitzaile taldeko 61 bat kide atxilotu zituen orotara. Gainerako 41 kidei gaur hartuko diete deklarazioa.

Iazko urriaren 29an Betisen eta Osasunaren arteko partidaren aurretik Sevillan (Andaluzia) izandako gertakatiekin loturik daude atxiloketak, hauei "kiroleko indarkeria" leporatuz. Hainbat hedabideren arabera, beste hamazazpi pertsona ere atxilotu dituzte Andaluzian eta Madrilen.

Indar Gorri taldeak polizia operazioa salatu du bere sare sozialetan, eta atzo atxilotuekin elkartasunean konzentrazioak deitu ziren Altsasun, Iruñean, Lizarran eta Tafallan. Gaur ere antolatu dute protesta, 9:30etatik aurrera epaitegietara bertaratzeko deia eginez.