Lan istripu batengatik aulki gurpildunean dagoen langile bati osasun-laguntza ukatu dio Fremap

2022an Mohammed Hatit marokoar jatorriko 33 urteko langilea istripu larria izan zuen Getxoko obra batzuetan (Construcciones Loizagaren azpikontrata) lanean ari zela. Gaur, bajan jarraitzen du, gurpildun aulkian, eta osasun-laguntza eskatzen dio Fremapi. Mohamed Htitek istripua izan zuenetik, Fremapetik jasotako tratua negargarria eta diskriminatzailea izan dela salatu du ELA sindikatuak, izan ere, Ian-istripua arintzat jo zen, nahiz eta urtebete egon ospitalean. Gainera, 365 baja-egun bete baino egun gutxi batzuk lehenago, mutualitateak alta medikoa eman zion. Ospitale-alta ematean, eta inolako arrazoirik gabe, mutuak Ertzaintzari deitu zion mutualitatetik irtetera laguntzeko. Era berean, sindikatua Fremapen tratua iraingarria, arrazista eta diskriminatzailea salatu zuen atzo, 50 pertsona inguru mutualitatearen Bilboko egoitzaren aurrean mobilizatu zirenean.