Langile bat hil da Abartzuzan

49 urteko langile bat hil da gaur goizean Abartzuzako(Nafarroa) elikagai enpresa baten kanpoaldean izandako lan istripu batean. Dirudienez, atzeraka egiten ari zen kamioi batek harrapatu du. Goizeko 8:30ean jaso dute larrialdi-deia, eta osasun-zerbitzuek ezin izan dute ezertxo ere egin. Hildakoaren gorpua Auzitegi Medikuntzako eta Auzitegi Zientzietako Nafarroako Institutura eramango dute, autopsia egin diezaioten.

Aurten, gutxienez 65 langilek galdu dute bizia Euskal Herrian. Iaz, urte osoan, 64 izan ziren.