Nafarroan, erosketa-saskia %18 garestitu da 2022tik

Nafarroako Landa Garapenerako eta Ingurumenerako behatokiak 36 produkturen prezioaren eboluzioa egin du. Oliba olioaren kasua da deigarrienetako bat %47 garestitu baita azken bi urtean. BEZik gabeko produktuak ere, ogia %2, (azken egunotan ohiko ogi-barra 5 zentimo garestitu da) eta arrautzak %20 garestiago daude eta alkatxofa adibidez orain ordaintzen denaren erdia ordaintzen zen 2022an.

Landa Garapenerako eta Ingurumenerako departamentuaren behatokiaren eta Iruñerriko zenbait saltokiren datuek 36 produkturen inguruko eboluzioa jaso dute. Elikagai horien prezioa 35 euro altuagoa da orain. Azenarioaren prezioa %50 hazi da, arkumearen haragiarena %32, meloiarena %34, azaburuarena %37 eta %31 zainzuriarena. Baina, bestelakoek ere igoera igarri dute: esaterako etxebizitzetako ohiko gastuek %37 egin dute gora. Harritzekoa ez den beste datua: erosketa-saskia bezainbeste ez direla igo ez pentsioak ez eta soldatak ere. Hala, eros-ahalmena galdu dute herritarrek.

Erosketa-saskia %18 garestitu da 2022tik - Nafarroa - euskalerriairratia.eus