Pitxu Gaztetxeak lokal bat lortu du

Zuberoan, gazte batzuek berriz bultzatu zuten gaztetxearen dinamika 2022an, Pitxu gaztetxea itzali eta hamar bat urtera. Baziren zenbait urte gaztetxea desagertua zela, eta, beraz, gazteria militantearen biltzeko gunea ere bai. Gazte asanbladako kide batek azaldu zuen bezala, helburua zen Zuberoako gazte euskaldunen artean dinamika baten sortzea; ekinaldiak antolatzea, euskal kulturari lotuak, politikoak, hizkuntzaren sustatzekoak…Halaxe egin dute geroztik, izan ere, ekinbide anitz antolatu dituzte hainbat gunetan.

Gazteek beste gaztetxe eta elkarte batzuen laguntzari esker hainbat herritan dinamikak egin bazituzten ere, elkartzeko gune finko baten beharrean jarraitzen zuten. Hori dela-eta, Mauleko Zinka Bizirik elkarteak bere biltzar nagusia egin du eta ofizialki ostatuaren ardura Pitxu Gaztetxari eman dio. Zinka ostatua joanarazi duen laguntzaile taldeak azaldu duenez, lekukoa iganarazteko beharra sentitu dute.

Gaztetxeak bere biltzar nagusia otsailaren 7an egingo du, goizeko 9.30etan, eta gaztetxeko gazteek espero dute hainbat gazte hurbiltzea dinamika berri bat abiatzeko.