Yakovlev 42 musika-taldeko 6 kide epaitegira deituak izan dira beren letrengatik

Musika taldeak azaldu duenez pasa den otsailean, Yakovlev 42 taldeko bi kidek zitazio judizialaren zedula jaso zuten. Egun batzuk geroago, taldeko gainerako kideek eta jadanik taldeko kide ezdiren taldekide ohiek ere, gutun bera jaso zuten. Guztira 6 musikari ikertuak izaten ari dira, diotenez haien ikuspegi ideologiko berarekin bat ez datozen guztienganako gorrotozko diskurtsoa elikatzen ari direlako. Gipuzkoako Guardia Zibilak egindako txostenaren arabera, abestien letra guztiz iraingarri eta intoleranteak idazteagatik, kontzertuetan zenbait jokabide erakusteagatik eta indarkeria etengabe goraipatzeagatik.

Honegatik, maiatzaren 6an, ikertuak izaten ari diren 6 musikariak Donostiako Instrukzioko Epaitegira jo beharko dute ikertu gisa entzunak izateko, itxuraz gorroto-delituaren erantzule gisa. Ikerketa hori akusazio bihurtzen bada, urtebete eta lau urte arteko espetxe-zigorra eska dezakete kide bakoitzarentzat.

Taldeak salatu duenez “guztiok izan beharko genukeen adierazpen askatasunaren eta askatasun kulturalaren” aurkako eraso baten lekuko izaten ari dira.