Aberri Egunaren harira “Nola eraiki biharko Euskal Herria?” hitzaldia antolatu dute Arrasaten

Bihar, martxoaren 26an, JARDUN Koordinadorak apirilaren 20an Gernikan deitu duen Aberri Egunaren baitan, Debagoieneko taldetik hitzaldi bat antolatu dute Arrasateko gaztetxean “Nola eraiki biharko Euskal Herria?” lemapean. Hitzaldia arratsaldeko 19:00etan hasiko da.

Koordinakundeko kideek azaldu dutenez, hitzaldian, batetik, Euskal Herriko nazio zapalkuntzaz zein testuinguru politikoaz eta koiunturak eskatzen dituen erronkaz hitz egingo dute. Ostean, identifikatzen den zapalkuntza nazionala gainditzeko Euskal Herriko subjektu iraultzailea den Euskal Herri Langilearen inguruko definizioa emango da. Bukatzeko, zapalkuntza nazional eta sozialari amaiera emateko ezinbestekoa den Klase Eraikuntza Nazionalaren inguruko teorizazioa landuko da.