Arkaitz Agirregabiria euskal preso politikoa Martuteneko espetxera lekualdatu dute

Bilboko Santutxu auzoko Arkaitz Agirregabiria del Barrio euskal preso politikoa Martuteneko espetxera (Gipuzkoa) lekualdatu dute. Presoa Lannemezango espetxean zegoen (Okzitania), Euskal Herritik 330 kilometrora.

2010ean atxilotu eta 25 urteko espetxe-zigorra ezarri zioten, Frantziako poliziako agente bat exekutatzea leporatuta. Ordutik, 15 urte eman ditu espetxean. Hala ere, legeak aurreikusten duen moduan, Frantzian ezarritako zigorraren azken zatia Euskal Herriko espetxe batean betetzeko eskatua zuen. Eskaera hori aintzat hartuta ekarri dute Martutenera.