Bilbon, gizon batek 16 urteko neska bat bahitu eta sexu-erasoa egin dio

16 urteko neska bat zaborra jaistera jaitsi zen urtarrilaren 24an Atxuri auzoan, eta ez zen etxera itzuli. Familiak salaketa jarri zuen desagerketagatik, eta 24 ordu geroago agertu zen etxean adingabea. Familiari azaldu zionez, gizon batek Zorrotzaurreko pabiloi batean atxikita izan zuen hainbat orduz, eta sexu-erasoa egin zion. Familiak salaketa jarri zuen, eta momentuz erasotzailearen bila ari dira.