"Euskara larrialdian: norantz goaz?” mahai-ingurua izango da bihar Arrasaten

Bihar, abenduak 3(Euskararen eguna), “Euskara larrialdian: norantz goaz?” mahai-ingurua eginen dute Arrasateko Kulturateko areto nagusian, arratsaldeko 18:30etan. JARKI antolakunde iraultzaileak antolatutako hitzordua da, eta Arrasate Euskaldun Dezagun eta Euskal Herrian Euskaraz-ek hartuko dute parte.

Mahai-inguruaren helburua euskararen gaur egungo erronkak eta horiei begira planteatu beharreko norabideak aztertzea izango da. Antolatzaileek adierazi dutenez, gaur egungo testuinguruan “euskarak bizi duen larrialdi soziolinguistikoa” jarri nahi dute mahai gainean, ikuspegi sozial, nazional eta politiko izan ditzakeen ondorioekin batera.

Horretarako, besteak beste, honako gai hauek jorratuko dituzte: “Zer funtzio/paper betetzen du hizkuntzak nazio identitatearen baitan?”, “Gaur egungo eskaintza elebitarra”, “Instituzioen papera”, “Gaur egungo erabileraren egoera” eta “Egoera iraultzeko proposamena”.