lahaine.org

compartir

                        

Dirección corta: https://lahaine.org/fJ1V

Convertir a ePub  ePub        Convertir a pdf  pdf
  tamaño texto
Enviar por e-mail  enviar        Versión para imprimir  imprimir

traductor

12/10/2017 :: Nacionales E.Herria

Ezer ez ospatzeko

x Ernai
Desobedientziaz, haustura. Independentziara!

Porrot egin duen espainiar estatuak ataka larrian bizi du aurtengo hispanitatearen eguna. Egun honetan, iragan basatia harrotasunez aldarrikatzeko darabil izaeraz inposizioa eta ukazioa dituen egitasmo politikoak.

1492.urtetik aurrera Ameriketan barrena sarraski ugari gauzatu zituen inperio berdinak, 1512.urtean Nafarroa menpean hartu zuen indarrez. Geroztik ordea, gure hizkuntzaren, kulturaren eta burujabetza nazionala ezabatzearen ahalegin guztien gainetik, Euskal Herriak bizi nahiaren borrokaz aurre egin dio espainiar inposizioari.

Justizia sozialaren eta askatasun indibidual eta kolektiboen alde borrokatzen dugunontzat, espainiar inposizioarekin haustea ezinbesteko urratsa da erroko ariketa demokratikoa eman ahal izateko. Ez dago gatazka politikoa gainditzerik mugarik gabe Euskal Herriak bere buruaren jabe beharrezkoa duen eredua askatasunez erabakitzeko duen eskubidea aitortu ezean.

Franco hil osteko erreforma politikoak mendeetako kultura politikoari jarraipena eman zion. 1936ko estatu kolpe faxistaren atarian Calvo Sotelok esan bezala "antes una España roja que rota". Euskal Herria zatikatu, nazio gisa ukatu, autodeterminazio eskubidea debekatu eta eredu neoliberalaren inposizioa izan da 78ko erregimenak Euskal Herriari eskaini diona. Gatazkaren luzapena, errepresioa eta sufrimendua. Biak ala biak, burgesia erregionalistaren zipayismo politikoaren laguntzaz.

Gaur, inoiz baino gehiago, espainiar batasuna auzitan jartzea inposizioan oinarritzen den dominazio sistema osoa zalantzan jartzea da. Hitz ponpoxo edota anbiguetatezko diskurtsoen gainetik, independentziaren aldeko egitasmoa da autodeterminazio eskubidearen alde egiten duen egiazko egitasmo bakarra. Autodeterminazio eskubiderik gabe, eta nazio burujabetzarik gabe, Euskal Herriari ezinezkoa zaio emantzipazio sozialaren alde eta bestelako jendarte eredu baten alde urrats erabakigarriak ematea. Ate guztiak irekitzen dituen giltza da independentzia. Dena aldatzeko aukera.

Hispanitatearen eta indar okupatzaileen oldarraldirako eguna da urriaren 12a, egun handia. Euskal gazteriarentzat aldiz, inposizioari aurre egiteko borroka egun bat da. Euskal Herriarentzako prozesu independentista aldarrikatzeko eguna dugu, Kataluniak irekitako bidea bihar Euskal Herriak jorratu dezan. Atzera pausurik gabe, azkenengo bururaino, kalera irteteko deia egiten dugu. Uneak eskatzen duen erantzukizunez lerratzeko unea da.

Katalunian egin bezala, espainiar inposaketari herri desobedientziaz erantzun diezaiogun. Eraiki eta borrokatu dezagun gure oraina egunez egun, bizirik dagoen Euskal Herrian bizi gaitezen. Franco hil zen baina erregimena ez. Irten gaitezen kalera erregimenarekin haustera eta Euskal Herria independentziaren ortzimugara eramatera. Aurrera!


Ernai gazte antolakundea
2017-10-17

 

 

compartir

                        

Dirección corta: https://lahaine.org/fJ1V

 

Contactar con La Haine

Envíanos tus convocatorias y actividades!

 

La Haine - Proyecto de desobediencia informativa, acción directa y revolución social

::  [ Acerca de La Haine ]    [ Nota legal ]    Creative Commons License    [ Clave pública PGP ] ::

Principal