Gaurko egunez duela 57 urte Aberri Eguna ospatu zuten Donostian

1968ko apirilaren 14an, Aberri Eguna ospatu zuten Donostian. Egun hartan, agintariek setio egoera ezarri zuten eta Polizia Armatu frankistak hiriko sarbide guztiak itxi zituen goizean goizetik. Erregimenaren egunkariek gobernadorearen oharra argitaratu zuten, gogoraraziz deialdia ilegala zela. Erdialdearen eta Grosen arteko zubietan, adibidez, hesi militarrak jarri zituzten. Hala ere, 8.000 lagunetik gora bildu ziren giro itogarri hartan eta indar errepresiboek gogor oldatu ziren manifestarien aurka. Osotara 300 pertsona atxilotu zituen Poliziak eta zauritu ugari egon ziren. Donostian mobilizatu ezinik, Errenteria eta Arrasaten ere manifestazioak egin zituzten. Giroa pil-pilean zen eta etengabeko kargen eta atxiloketen ondorioz, atzerriko kazetari batzuek egun hura “Donostiako bataila” izendatu zuten.