Sei gazte atxilotu dituzte Lapurdin

Frantziako Poliziak sei gazte atxilotu ditu astearte goiz honetan, 6:00ak aldera, eta Baionako polizia etxera eraman dituzte momentuz. Horrez gain, atxilotuen senideek salatu dutenez etxeko ordenagailu eta mugikorrak ere hartu ditu frantses poliziak. Atxiloketak Urruñan (Lapurdi) eta Baionan eman dira; seigarrenari buruz ez dago informazio zehatzik oraingoz. Hauetako lauei azken bi urteetan uztailaren 14ko manifestazioan izandako ekintzetan parte hartzea leporatzen diete, konkretuki kalte materialak eragin izanaz, eta beste pertsona bati aldiz, erretreten erreformaren kontra Baionan izandako manifestazio batean izandako istiluetan parte hartzea leporatzen diete. Prokuradoreak jakinarazi duenez lau afera egozten dizkiete atxilotuei: andeatzeak, poliziaren kontrako erasoak eta Hendaiako tren turistikoaren gidaria erasotu izana.